გარემოს ქიმია – მოდული 1: წყალი – „დედამიწის სისხლი“

კურსის გავლის შემდეგ მსმენელი ინფორმირებული იქნება გარემოში მიმდინარე რეალურ და პათოლოგიურ ქიმიურ პროცესებზე, ასევე, გარემოს ძირითად დამაბინძურებლებზე და მათ ქიმიზმზე. მსმენელი შეისწავლის იმ მარტივ ქიმიურ ანალიზებს, რომელთა შესრულებაც სკოლის ლაბორატორიაში ან სახლის პირობებშიც კი შესაძლებელია და გაეცნობა არსებული დამაბინძურებლებისგან თავის დაცვის ელემენტარულ წესებს. პირველი მოდული ეძღვნება ე.წ. „ლურჯ ეკონომიკას“. კურსი მოიცავს ოთხ ლექციას, თითოეული ხანგრძლივობით 1 საათი 30 წუთი. თითოეული ლექციის დასრულების შემდეგ მონაწილეებს დაეგზავნებათ პრეზენტაციები და პრაქტიკული ნაწილის პროტოკოლები.

დაწყების თარიღი: 5 აპრილი

დრო: კვირა, 14:00
შეხვედრის ხანგრძლივობა: 1 საათი და 30 წუთი

კურსის დასრულების შემდეგ გაიცემა სერტიფიკატი

ქეთევან კუპატაძემ 1993 წელს დაამთავრა სულხან-საბა ორბელიანის სახელობის თბილისის პედაგოგიური უნივერსიტეტის საბუნებისმეტყველო ფაკულტეტი ქიმია-ბიოლოგიის მიმართულებით, შემდეგ კი იმავე უნივერსიტეტის ასპირანტურა. 1998 წელს დაიცვა საკანდიდატო, ხოლო 2003 წელს სადოქტორო დისერტაცია. 1998-2005 წლებში სულხან-საბა ორბელიანის უნივერსიტეტში დოცენტის, შემდეგ კი პროფესორის თანამდებობა ეკავა. 2006 წლიდან ილიას სახელმწიფო უნივერსიტეტში მუშაობს და ამჟამად საბუნებისმეტყველო და მედიცინის ფაკულტეტის სრული პროფესორია. გამოქვეყნებული აქვს 70-ზე მეტი სამეცნიერო ნაშრომი და ორასზე მეტი სამეცნიერო-პოპულარული სტატია. მისი სამეცნიერო ინტერესები მოიცავს ქიმიას, ეკოლოგიურ ქიმიას, ქიმიის დიდაქტიკასა და ისტორიას. აქტიურად არის ჩართული ქიმიის პოპულარიზაციაში და ამ საქმიანობისთვის 2017 წელს მოლდოვას მეცნიერებათა აკადემიის სპეციალური მედლით დაჯილდოვდა.