კავკასიის ეკოსისტემა და ცოცხალი სამყარო – წარმოშობა, მრავალფეროვნება, შესწავლა

კურსის ფარგლებში მსმენელს გავაცნობთ საქართველოს ცოცხალ ბუნებას – როგორ ჩამოყალიბდა საქართველოს ფლორა და ფაუნა გეოლოგიურ წარსულში მეზოზოური ერით დაწყებული და დღევანდელი დღით დამთავრებული, რა კავშირი არსებობს რეგიონის გეოლოგიურ წარსულსა და ეკოსისტემას შორის;  როგორ ფუნქციონირებს ეკოსისტემა, რა როლს ასრულებენ მცენარეები, სოკოები, უხერხემლო და ხერხემლიანი ცხოველები. რამდენად მნიშვნელოვანია სახეობების მრავალფეროვნება ეკოსისტემის მდგრადობის შენარჩუნებისთვის; რა მეთოდებს იყენებენ დღეს ეკოსისტემის და ცოცხალი ორგანიზმების შესასწავლად: რადიოგადამცემები და ფოტომახეები, დნმ მარკერები, კომპიუტერები და სივრცული მოდელირება. ასევე, გავეცნობით ცალკეული ჯგუფების მრავალფეროვნებას, ფრინველების და მწერების მნიშვნელობას, ქვეწარმავლებს (მათ შორის შხამიან გველებს) და შხამიან უხერხემლოებს; იმას, როგორ იცავენ ცოცხალ სამყაროს, რა არის წითელი ნუსხა და რატომაა მნიშვნელოვანი შევინარჩუნოთ ბიოლოგიურ მრავალფეროვნება.   დაწყების თარიღი: 4 აპრილი დრო: შაბათი, 13:00 შეხვედრის ხანგრძლივობა: ორი საათი ილიას სახელმწიფო უნივერსიტეტის საბაკალავრო და სამაგისტრო საფეხურის სტუდენტებისთვის მოქმედებს 20%-იანი ფასდაკლება კურსის დასრულების შემდეგ გაიცემა სერტიფიკატი