მონაწილეები წაიკითხავენ გრაფიკულ რომანს და აღმოაჩენენ, როგორ ერთიანდება ტექსტი და ილუსტრაცია ერთიან ამბად. ისინი გაეცნობიან გრაფიკული რომანის ჟანრის თავისებურებებს: ვიზუალურ თხრობას, სიტყვისა და ნახატის ურთიერთკავშირს და დიალოგის ბუშტებისა და ტექსტური ჩანართების მნიშვნელობას. შეხვედრის ბოლოს მოზარდები იმსჯელებენ წაკითხულზე და თავადაც შეეცდებიან პატარა ვიზუალური ისტორიის შექმნას.

მონაწილეები წაიკითხავენ მოთხრობას და გაეცნობიან ამ ჟანრის ძირითად თავისებურებებს. ისინი დააკვირდებიან, როგორ ვითარდება სიუჟეტი, როგორ ყალიბდება პერსონაჟები და როგორ ქმნის ავტორი ნაწარმოების დაძაბულობასა და იდეას. შეხვედრის ბოლოს მოზარდები იმსჯელებენ წაკითხულზე და თავადაც შეეცდებიან მოთხრობის დაწერას.

მონაწილეები წაიკითხავენ რომანიდან ამონარიდს და გაეცნობიან ნაწარმოების სამყაროსა და სიუჟეტურ ხაზს. ისინი დააკვირდებიან პერსონაჟების მოტივებსა და არჩევნებს, იმსჯელებენ ტექსტში წამოჭრილ საკითხებზე და ივარაუდებენ, როგორ შეიძლება განვითარდეს ამბავი. შეხვედრის ბოლოს გაიმართება დისკუსია და მოზარდები გაუზიარებენ ერთმანეთს იდეებს ნაწარმოების სავარაუდო დასასრულის შესახებ.

მონაწილეები წაიკითხავენ ლექსს და დააკვირდებიან მის რიტმსა და რითმს. ისინი იმსჯელებენ, როგორ გადმოსცემს პოეტი ემოციებსა და იდეებს სხვადასხვა მხატვრული ხერხის საშუალებით. შეხვედრის ბოლოს მოზარდები თავადაც შეეცდებიან მცირე პოეტური ტექსტის შექმნას ან ლექსის განწყობის ვიზუალურად გადმოცემას.

მონაწილეები წაიკითხავენ სურათებიან წიგნს და აღმოაჩენენ, როგორ ავსებს ერთმანეთს ტექსტი და ილუსტრაცია. ისინი დააკვირდებიან, როგორ გვიყვება ამბავს არა მხოლოდ სიტყვა, არამედ ფერი, დეტალი და პერსონაჟის გამომეტყველება. შეხვედრის ბოლოს მოზარდები შექმნიან საკუთარ სურათებიან ისტორიას და როგორც სიტყვებით, ისე ნახატით გადმოსცემენ ამბავს.

მონაწილეები წაიკითხავენ მითს და გაეცნობიან ამ ჟანრის თავისებურებებს. ისინი იმსჯელებენ, ძველ დროში ადამიანები როგორ ხსნიდნენ ბუნების მოვლენებსა და სამყაროს წარმოშობას მითების საშუალებით და დააკვირდებიან ტექსტში არსებულ სიმბოლოებსა და პერსონაჟებს. შეხვედრის ბოლოს მოზარდები განიხილავენ მითის მთავარ იდეებს და წარმოადგენენ საკუთარ ინტერპრეტაციებს.