პროფესორი ჯანა ჯავახიშვილი ისაუბრებს ფსიქიკური ჯანმრთელობის რაობაზე, ინდიკატორებზე, რისკის და დაცვითი ფაქტორებზე; ფსიქიკური აშლილობების დიაგნოზებზე; ნორმის ცნების ფარდობითობაზე და ეთიკურ დილემებზე; ზრუნვის თანამედროვე მიდგომებზე.

ფსიქიატრი მიშიკო დუმბაძე ისაუბრებს დეპრესიის რაობაზე და სხვადასხვა სიმძიმეზე; როგორ გავარჩიოთ უბრალო უგუნებობა დეპრესიის კლინიკური მდგომარეობისგან; როდის და როგორ შეგვიძლია საკუთარი თავის დახმარება და როდის არის საჭირო სპეციალისტთან მიმართვა; დეპრესიის მართვის მტკიცებულებით მეთოდებზე.

ფსიქოტრავმატოლოგიის მაგისტრი ანა პაპავა ისაუბრებს საბაზო ემოციებზე და თვითგადარჩენაში მათ როლზე; ნორმალურ შფოთვასა და მის ფუნქციაზე; ემოციურ რეგულაციაზე და განვითარების გზებზე; შფოთვით აშლილობებზე და მათთან გამკლავების გზებზე; პროფესიული დახმარების საჭიროების შემთხვევებზე.

ფსიქოტრავმატოლოგიის მაგისტრი მარიამ რაზმაძე ისაუბრებს ფსიქოაქტიური საშუალებების მოხმარების დაწყების მიზეზებზე; თეორიულ მოდელებზე (ეტიოლოგიური მოდელი, განვითარების ამოცანების მატრიცა, დაგეგმილი ქცევის თეორია); მოხმარების რისკის შემცირებასა და დამცავი ფაქტორების გაძლიერებაზე მიმართულ მტკიცებულებაზე დაფუძნებულ მიდგომებზე.

პროფესორი ირმა კირთაძე ისაუბრებს თამბაქოზე დამოკიდებულების შესახებ, მკურნალობის გზებზე და იმაზე, რამდენად ადასტურებს სამეცნიერო მტკიცებულება, რომ თამბაქოს ალტერნატივები უვნებელია და ეხმარება ადამიანს თამბაქოს მოხმარებისგან განთავისუფლებაში.

პროფესორი ნინო მახაშვილი ისაუბრებს ბავშვობაში მიღებული ტრავმის გავლენაზე განვითარებაზე, ნერვულ სისტემაზე, ემოციებსა და ქცევაზე; ბავშვის ხელშეწყობაზე ადრეულ ტრავმულ გამოცდილებასთან გამკლავებაში; პოსტტრავმული ზრდის ფენომენზე და მის ხელშეწყობაზე; სტრესმედეგობის გაძლიერების გზებზე.

ადიქციის კვლევების მაგისტრი თამარ ლეონიძე ისაუბრებს ფსიქიკური ჯანმრთელობის გამოწვევებზე, რაც ინტერნეტთან ურთიერთობის ფონზე გაჩნდა თანამედროვე სამყაროში; სამეცნიერო მტკიცებულებებზე ამ პრობლემისა და მასთან გამკლავების თაობაზე; ბავშვებისთვის ინტერნეტის გამოყენების ჰიგიენასთან დაკავშირებულ საერთაშორისო რეკომენდაციებსა და პრევენციის გზებზე.