დიადი წიგნები ის ლიტერატურული და ფილოსოფიური ტექსტებია, რომელთა წაკითხვისა და შესწავლის გარეშე ღრმა და საფუძვლიანი განათლების მიღება შეუძლებელია. სწორედ ამ ტექსტებზე იწრთობოდა დასავლური ცივილიზაციის საუკეთესო წარმომადგენლების ინტელექტი და ხასიათი საუკუნეების განმავლობაში და, ამიტომაც, ამ ტექსტებმა, სხვადასხვა ფორმით, უზარმაზარი განვლენა მოახდინეს თანამედროვე კულტურისა და საზოგადოების ჩამოყალიბებაზე.

კურსის თითოეული ნაწილი ოთხკვირიანია. თითოეული წიგნის განხილვისას მსმენელი მიიღებს წარმოდგენას მთლიანად წიგნისა, მისი ავტორისა და ეპოქის, მისი მნიშვნელობისა და გავლენის შესახებ, ასევე გაეცნობა წიგნიდან მოკლე ამონარიდს.

დრო: ორშაბათი, 19:30
შეხვედრის ხანგრძლივობა: ორი საათი

კურსის დასრულების შემდეგ გაიცემა სერტიფიკატი

გია ნოდია

პროფესორი

გია ნოდიამ 1976 წელს დაამთავრა თბილისის სახელმწიფო უნივერსიტეტი ფილოსოფიის სპეციალობით და 1982 წელს დაიცვა საკანდიდატო დისერტაცია იმავე დარგში. 1980-2001 წლებში მუშაობდა საქართველოს მეცნიერებათა აკადემიის ფილოსოფიის ინსტიტუტში, პარალელურად კი 1992 წლიდან ხელმძღვანელობს მშვიდობის, დემოკრატიისა და განვითარების კავკასიურ ინსტიტუტს. 2008 წელს საქართველოს განათლებისა და მეცნიერების მინისტრი იყო, 2006 წლიდან კი ილიას სახელმწიფო უნივერსიტეტის პროფესორია. სხვადასხვა დროს კვლევითი მივლინებები და სასწავლო კურსები ჰქონია ბერკლის, ბონის, გლაზგოს უნივერსიტეტებში, ვაშინგტონის წამყვან კვლევით ცენტრებში. მისი სამეცნიერო ინტერესები მოიცავს ნაციონალიზმის, დემოკრატიზაციისა და პოლიტიკური განვითარების პრობლემატიკას — როგორც თეორიულ ასპექტებში, ისე საქართველოს, კავკასიისა და პოსტკომუნისტური სამყაროს კონკრეტულ კონტექსტში.

სილაბუსის ნახვა

გიორგი მაისურაძე

პროფესორი

გიორგი მაისურაძემ 1993 წელს დაამთავრა თბილისის სახელმწიფო უნივერსიტეტის ისტორიის ფაკულტეტი, სადაც სწავლის პარალელურად გაცვლითი პროგრამით ზაარლანდის უნივერსიტეტში შეისწავლა ძველი აღმოსავლეთის ისტორია, რელიგიათმცოდნეობა და ფილოსოფია. 2009 წელს ბერლინის ჰუმბოლდტის უნივერსიტეტში დაიცვა სადოქტორო დისერტაცია ფილოსოფიაში, რასაც წინ უძღოდა DAAD-ის კვლევითი სტიპენდია ბერლინის ტექნიკურ უნივერსიტეტში. 1993 წლიდან მუშაობდა საქართველოს მეცნიერებათა აკადემიის ფილოსოფიის და შემდეგ ისტორია-ეთნოლოგიის ინსტიტუტებში, ხოლო 2008-2013 წლებში — ბერლინის ლიტერატურისა და კულტურის კვლევის ცენტრში. 2014 წლიდან ილიას სახელმწიფო უნივერსიტეტის სრული პროფესორია და ამავე უნივერსიტეტის სოციალური და კულტურის კვლევების ინსტიტუტს ხელმძღვანელობს.

სილაბუსის ნახვა

გიგა ზედანია

პროფესორი

გიგა ზედანიამ 2005 წელს დაიცვა დისერტაცია თემაზე: "ნიკოლაუს კუზელი როგორც დიონისე ფსევდო-არეოპაგელის კომენტატორი" (ბოხუმის რურის უნივერსიტეტი, გერმანია). მანამდე ის სწავლობდა ფილოსოფიას, სოციოლოგიასა და კულტურის კვლევებს საქართველოში, აშშ-ში, უნგრეთსა და გერმანიაში. 2006 წლიდან არის ილიას უნივერსიტეტის პროფესორი. ინტერესის სფეროები მოიცავს ფილოსოფიის ისტორიას, ასევე ლიტერატურის, კინოს, განათლებისა და პოლიტიკის ფილოსოფიას. გამოქვეყნებული აქვს მრავალი პუბლიკაცია ქართულ, ინგლისურსა და გერმანულ ენებზე.

სილაბუსის ნახვა

ლევან ბერძენიშვილი

პროფესორი

ლევან ბერძენიშვილმა 1977 წელს დაამთავრა თბილისის სახელმწიფო უნივერსიტეტის კლასიკური ფილოლოგიის განყოფილება და 1991 წელს დაიცვა სადისერტაციო ნაშრომი მეცნიერებათა კანდიდატის წოდების მოსაპოვებლად. 1978 წლიდან თბილისის სახელმწიფო უნივერსიტეტში მუშაობდა უმცროსი მეცნიერ-თანამშრომლის პოზიციიდან ხმელთაშუა ზღვის კულტურების კვლევის ცენტრის ხელმძღვანელობამდე. შემდგომ წლებში ეკავა ფონდ „ქართუს" დირექტორის, ეროვნული ბიბლიოთეკის გენერალური დირექტორის და საქართველოს პარლამენტის წევრის თანამდებობები, სადაც განათლების კომიტეტს და ევროპასთან ინტეგრაციის კომიტეტს ხელმძღვანელობდა. არის რესპუბლიკური პარტიისა და რესპუბლიკური ინსტიტუტის დამფუძნებელი. მისი სამეცნიერო ინტერესები მოიცავს კლასიკურ ფილოლოგიას, ძველ ბერძნულ და ლათინურ ენებს და მსოფლიო ლიტერატურას.

სილაბუსის ნახვა

დიადი წიგნები (მოდული მეოთხე – თანამედროვეობის საფუძვლები)

ასაკობრივი ჯგუფი

ხანგრძლივობა

ღირებულება

მისამართი

ამ კურსზე რეგისტრაცია დასრულებულია

ამ კურსზე რეგისტრაცია დასრულებულია

კურსის სილაბუსი

კვირა 1 - მილის „თავისუფლების შესახებ“

კვირა 2 - ნიცშეს „ესე ამბობდა ზარატუსტრა“

კვირა 3 - ფროიდის „კულტურით უკმაყოფილება“

კვირა 4 - კამიუს „უცხო“

ლექტორის შესახებ

გია ნოდია

გიორგი მაისურაძე

გიგა ზედანია

ლევან ბერძენიშვილი

დიადი წიგნები (მოდული მეოთხე – თანამედროვეობის საფუძვლები)

ასაკობრივი ჯგუფი

ხანგრძლივობა

ღირებულება

მისამართი

ამ კურსზე რეგისტრაცია დასრულებულია

ამ კურსზე რეგისტრაცია დასრულებულია

კურსის სილაბუსი

კვირა 1 - მილის „თავისუფლების შესახებ“

კვირა 2 - ნიცშეს „ესე ამბობდა ზარატუსტრა“

კვირა 3 - ფროიდის „კულტურით უკმაყოფილება“

კვირა 4 - კამიუს „უცხო“

ლექტორის შესახებ

გია ნოდია

გიორგი მაისურაძე

გიგა ზედანია

ლევან ბერძენიშვილი

არჩეული კურსი

დიადი წიგნები (მოდული მეოთხე – თანამედროვეობის საფუძვლები)

ამ კურსზე რეგისტრაცია დასრულებულია