როგორ ვუყუროთ კინოს (ზრდასრულებისთვის)

კურსი იმათთვის, ვისაც უყვარს კინო და აქვს უკეთესად დანახვის სურვილი. კინოხელოვნება ხომ ყველა ხელოვნებაზე ზუსტად გამოხატავს სიცოცხლეს. შესაბამისად, ფილმის დეტალებში გარკვევა თვალის თავისებური ვარჯიშია სიცოცხლის უკეთ დასანახად.

კურსი იმათთვის, ვისაც არ უყვარს ცალსახა პასუხები და ყოველთვის ეძებს ალტერნატიული ხედვის წერტილებს ადამიანის, მოვლენის, სამყაროს თუ ისტორიის აღსაქმელად. კინო ხომ ამის უსაზღვრო შესაძლებლობებს იძლევა, რაშიც ერთგვარი გზამკვლევი იქნება ჩვენი კურსი.

დაწყების თარიღი: 5 აპრილი

დრო: კვირა, 18:00
შეხვედრის ხანგრძლივობა: ორი საათი

ილიას სახელმწიფო უნივერსიტეტის საბაკალავრო და სამაგისტრო საფეხურის სტუდენტებისთვის მოქმედებს 20%-იანი ფასდაკლება

კურსის დასრულების შემდეგ გაიცემა სერტიფიკატი

1979 წელს დაამთავრა თბილისის სამხატვრო აკადემია ხელოვნებათმცოდნეობის სპეციალობით, ხოლო 1987 წელს გ. ჩუბინაშვილის სახელობის ხელოვნების ისტორიის ინსტიტუტში დაიცვა საკანდიდატო დისერტაცია ქართული ფილმების სახვითი გადაწყვეტის თემაზე. 1993-94 წლებში დიდროს სტიპენდიით პარიზის „ადამიანის ინსტიტუტში" მუშაობდა კინოს ენისა და ფილმის აღქმის საკითხებზე. 1981 წლიდან პედაგოგად მუშაობს თბილისის სახელმწიფო უნივერსიტეტში, რუსთაველის სახელობის თეატრისა და კინოს უნივერსიტეტსა და ილიას უნივერსიტეტში. პარალელურად აქტიურად არის ჩართული მედიაში — 1995 წლიდან „რადიო თავისუფლებაში" კულტურის მიმომხილველია, სხვადასხვა დროს ავტორობდა და წარმართავდა გადაცემებს სახელმწიფო ტელევიზიაზე და „რუსთავი 2"-ზე. ლექციები წაუკითხავს კონსტანცის, სორბონის და კლერმონფერანის უნივერსიტეტებში. მისი სამეცნიერო ინტერესები მოიცავს კინოს ენასა და ფილმის აღქმის თავისებურებებს, ფილმის სახვით გადაწყვეტასა და ცენზურის ისტორიას კინოში.